🛑 हवा होता एक दादा

🛑 हवा होता एक दादा

 हवा होता एक दादा 

 भिऊ नकोस मी आहे असं म्हणणारा…..

 दादा हा दादाच असतो 

 प्रत्येक कुटुंबाचा आधार असतो……

 दादाचं महत्त्व तेव्हाच कळतं 

 जेव्हा त्याचं अस्तित्व आपल्यात नसतं……

 का नाही करु शकत आपण कोणाकडे मनापासून हट्ट…?

 कारण दादाएवढं आपुलकीचं प्रेम कुठूनच मिळत नसतं 

 घट्ट……

 जाईल का रक्षाबंधनाचा दिवस चांगला 

 पण दादाच इथे उपस्थित नाही आपला…..

 दादा असता तर कोणतीच उणीव भासली नसती….

 राखी सुद्धा हक्काने बांधता आली असती…..

 आयुष्य असंच असतं ना कधीतरी रडवणारं….. 

 दादाच नाही आपला मग नाईलाजाने हसवणारं….

 केली असती भयंकर भांडणं 

 मग गेलोच असतो ना कुशीत 

 पण नंतर मात्र दादा 

 हसला असता मायेने मिशीतल्या मिशीत….

 का नाही रे देवा तू दिलास आम्हाला दादा….

 कधी ना कधी डोक्यात येतच राहील आमचा अदृश्य दादा….

 केले होते खूप कष्ट दादा मिळण्यासाठी…

 नशिबातच नाही आमच्या दादाची ख्याती….

 किंमत नसते हो…ज्यांना दादा आहे त्यांना  

 नसल्यामुळेच किंमत आता कळू लागलीय मला…

 भाऊबीजेच्या दिवशी भेटवस्तू कोण देणार ?

 भाऊच नाही आमचा तर भेट कशी मिळणार ?

 लोकांना रक्षाबंधनाच्या दिवसाची खूप उत्सुकता असते….

 आम्हाला हा सण तरी का असतो ? असे वाटू लागते…

 आता वेळ निघून गेलीय ती…

 नाही मिळणार कधीच दादा 

 उणीव तर भासत राहील सदानकदा 

 हवा होता देवा एक तरी दादा….

 मायने गोंजारणारा लाखातला दादा….

 ©️ तनिष्का प्रवीण कुबल

 इयत्ता : नववी 

एस. एम. हायस्कुल, कणकवली